Чајот од шипка – оружје против есенските настинки

Шипката е природен чистач на организмот и благ лаксатив поради тоа што содржи овошна киселина. Таа како овошје најчесто се користи за правење чај, сирупи, мармалад, а може да се јаде и свежа бидејќи нема појава од несакани дејства врз организмот и може да се консумира во неограничени количини.

Содржината на витамин Ц во шипката е полезна за секого. Особено се препорачува на жени во постпородилен период бидејќи Витаминот Ц кога се претвора во млеко добро делува за развој на бебето. Витаминот Ц во комбинација со другите корисни состојки во шипката, лесно се апсорбираат во гастроинтестиналниот тракт.Шипката има и диуретичко дејство па затоа полезно е да ја користат лицата со реума, бубрежни каменчиња и проблеми при мокрење. Во неа има и голема количина на фолна киселина и Витамини А и Е, а од минералите застапен е калиумот.

Шипката има и антиоксидантно дејство и придонесува во спречувањето на штетните оксидативни процеси кои се одвиваат во телото.Доколку редовно се консумира придонесува за здрав изглед на косата, кожата и ноктите. Го дополнува во одредена мера недостигот на железо во организмот. Од суштинска важност е за здравата структура на забите, непцата и на коските.

Чајот од шипка се препорачува особено на есен, кога времето е променливо и најчести се настинките, бидејќи истиот лесно ја намалува температурата. Овој чај има и најдобро и најефикасно дејство и со тоа го зајакнува имунитетот, а воедно и организмот.

-авторски текст , не смее да се користи за комерцијални цели и/или реемитување-

Д-р Кристина И. Стојаноска - Алоска
Д-р Кристина И. Стојаноска Алоска е родена 1984 год. во Охрид. Средно образование завршува во гимназијата “Св. Климент Охридски” , природно - математичка насока, во 2003 год. Дипломира на Стоматолошкиот факултет при Универзитетот “Св. Кирил и Методиј” во Скопје во 2008 год. Учествувала на повеќе конгреси, семинари и работни курсеви од областа на стоматологијата. Професионален ангажман: Работи во Стоматолошката ординација „Д-р Каланоска“ - Охрид Доктори.мк е портал кој на популацијата и овозможува да согледа многу проблематики од областа на здравството и да научи многу совети и факти за животот , исхраната и здравјето. Мапата претставува одличен и најбрз начин преку кој може да се лоцира доктор или некоја медицинска установа. Особена чест и огромно задоволство ми претставува што сум дел од тимот на Доктори.мк и искрено се надевам дека преку моите статии читателите на Доктори.мк ќе научат многу проблеми од областа на стоматологијата. Доктори.мк според мене е par excellence портал од областа на здравството во Македонија. Големо БРАВО за основачите!!!