Заболувања на гингивата

Доколку не се изврши редовно отстранување на наслагите на забите, вклучувајќи ги и подрачјата под гингивалната линија, може да дојде до иритација на гингивата и следствено до заболувања на гингивата.

Ако на забите останат наслаги кои се таложат, бактериите во устата произведуваат отровни материи кои можат да ја изиритираат гингивата и да ги оштетат забите. Најраниот  стадиум на заболување кај гингивата се нарекува ГИНГИВИТИС.

Тоа претставува воспаление на гингивата, кое може да предизвика отекување, чувствителност и крварење за време на миењето на забите и при чистење со забен конец.

Заболувањата на гингивата може да се спречат со правилна секојдневна нега на усната шуплина и со редовна посета на стоматологот. Најдобро се спречува, а во најмногу случаи и лечи, со секојдневното рутинско отстранување на забните наслаги. Тоа значи секојдневно миење на забите со мека четка за заби и чистење на интерденталните простори. Овие две постапки спречуваат таложење на забни наслаги на површините на забите и под гингивалната линија.

 

Доколку не се излечи гингивитисот, може да се развие и тежок облик на заболување на гингивата – пародонтопатија. Пародонтопатијата ја оштетува коската – гингивата. Кога ќе се развие пародонтопатија, неможе лесно да се излечи. Не се лекува само со професионален третман туку – со повеќекратна дневна нега на усната шуплина во домашни услови. Стоматологот ќе Ви овозмож- индивидуална програма за тоа како да се одржува оралната хигиена на забите И гингивата со што би се спречило понатамошен развој на болеста.

Пародонтопатијата може да се појави без видливи симптоми, но затоа потребни се редовни контроли кај стоматолог.  Најчести симптоми кај пародонтопатијата се црвена, отечена гингива која почнува да се одвојува од забот и при тоа да се создаде пародонтален џеб. Тоа најчесто се доведува со чувствителност на забите, чувство на силен притисок помеѓу забите или крварење при миење на забите или чисатење со забен конец.

Во напреднатите стадиуми може да дојде до повлекување на гингивата, расипување на коренот на забот, појава на гној помеѓу забот и гингивата, па дури и ослабување или конечна загуба на забот.

Како да се спречи развојот на пародонтопатијата?

  • Темелно чистење на забите два пати на ден (наутро и навечер) со мека четка за заби  користење на паста за заби со флуор
  • Секојдневно чистење на интерденталните простори со интердентален конец  кои неможат да се исчистат со четката
  • Редовни посети на стоматолог на секои 6 месеци
  • Да се избегнува пушење цигари
  • Стоматолозите препорачуваат замена на четката за заби на секои 3 месеци и доколку четката изгледа истрошено затоа што истражувањата покажуваат дека новата четка за заби може да отстрани повеќе од забните наслаги.

-авторски текст, не смее да се користи за комерцијални цели и/или реемитување-

 

Д-р Кристина И. Стојаноска - Алоска
Д-р Кристина И. Стојаноска Алоска е родена 1984 год. во Охрид. Средно образование завршува во гимназијата “Св. Климент Охридски” , природно - математичка насока, во 2003 год. Дипломира на Стоматолошкиот факултет при Универзитетот “Св. Кирил и Методиј” во Скопје во 2008 год. Учествувала на повеќе конгреси, семинари и работни курсеви од областа на стоматологијата. Професионален ангажман: Работи во Стоматолошката ординација „Д-р Каланоска“ - Охрид Доктори.мк е портал кој на популацијата и овозможува да согледа многу проблематики од областа на здравството и да научи многу совети и факти за животот , исхраната и здравјето. Мапата претставува одличен и најбрз начин преку кој може да се лоцира доктор или некоја медицинска установа. Особена чест и огромно задоволство ми претставува што сум дел од тимот на Доктори.мк и искрено се надевам дека преку моите статии читателите на Доктори.мк ќе научат многу проблеми од областа на стоматологијата. Доктори.мк според мене е par excellence портал од областа на здравството во Македонија. Големо БРАВО за основачите!!!