Накит на забите

Доколку имате убави и здрави заби, а сакате вашата насмевка да биде уште поубава и впечатлива, тогаш сигурно сте помислиле еден од забите да го украсите односно да ставите “накит”.

Накитот на забите се применува од естетски причини со што на вашата насмевка ќе и биде ставен “особен печат”. Забниот накит може да биде циркон, злато или некој драг камен. Апликацијата на накитот врз забот е брза, безболна и ефикасна постапка. Неговото ставање на забот не е штетно по општото здравје бидејќи самиот накит е изработен по определени стандарди за употреба во усната шуплина, а постапката за неговото поставување на забот е неинвазивна. Забниот накит се врзува за забот преку хемиски врски со помош на адхезив (“лепак”) кој се користи и при изработка на пломби. При ваквата постапка не се оштетува глеѓта. Хигиената во устата како и вообичаено се одржува со четка и паста за заби, со што би се спречила појавата на дентален плак.


Доколку посакате да се отстрани забниот накит од забот, тоа може да се направи многу едноставно. Со лесно брусење може да се отстрани и накитот и адхезивот од забот, без притоа да се уништи забната глеѓ.

-авторски текст, не смее да се користи за комерцијални цели и/или реемитување-

Д-р Кристина И. Стојаноска - Алоска
Д-р Кристина И. Стојаноска Алоска е родена 1984 год. во Охрид. Средно образование завршува во гимназијата “Св. Климент Охридски” , природно - математичка насока, во 2003 год. Дипломира на Стоматолошкиот факултет при Универзитетот “Св. Кирил и Методиј” во Скопје во 2008 год. Учествувала на повеќе конгреси, семинари и работни курсеви од областа на стоматологијата. Професионален ангажман: Работи во Стоматолошката ординација „Д-р Каланоска“ - Охрид Доктори.мк е портал кој на популацијата и овозможува да согледа многу проблематики од областа на здравството и да научи многу совети и факти за животот , исхраната и здравјето. Мапата претставува одличен и најбрз начин преку кој може да се лоцира доктор или некоја медицинска установа. Особена чест и огромно задоволство ми претставува што сум дел од тимот на Доктори.мк и искрено се надевам дека преку моите статии читателите на Доктори.мк ќе научат многу проблеми од областа на стоматологијата. Доктори.мк според мене е par excellence портал од областа на здравството во Македонија. Големо БРАВО за основачите!!!