Апел за помош на малиот Јасин

Jасин е слатко мало детенце кое што својот прв роденден го прослави во февруари. Ова малечко сонце константно им го развеселува животот на своите родители и роднини мамејќи им насмевки, радост и гордост.

Негова омилена храна се чоколадите а она во што најмногу ужива е да си игра со своето поголемо братче.Но сепак Јасин не е како другите деца на негова возраст. Неговата моментална состојба не му дозволува да го живее својот детски живот во потполност. За да ги почуствува сите убавини на дестсвото, за да продолжи да си игра со својот миленик, постарото братче, на Јасин му е потребна трансплантација на коскената срж од страна на компатибилен донатор.

Јасин има состојба на имунолошки дефект и досега, за жал, сеуште не е пронајден компатибилен донатор. Затоа се апелира до сите хумани луѓе да се зачленат во регистарот за потенцијални донатори при Институтот за имунолошки испитувања и да помогнеме во спасувањето на овој млад живот.  Она што е потребно е да се отиде во Институтот за имунолошки испитувања кој се наоѓа во Државна болница во Скопје да се достави примерок од крвта и со самото тоа сите стануваме потенцијални донатори, и  шансите да спасиме нечиј живот се многу големи.

Ви благодариме.

www.doktori.mk, 15.05.2015

Последна вест

Најчитани статии - медицина