Да помогнеме на оние на кои им е најпотребно - Да се вклучиме во поддршка на Србија и БИХ

Да се грижиме за сопственото и здравјето на нашите блиски е важно, но, да им помагаме на луѓето на кои секаква помош им е пресудна за опстанок е на најважно. Затоа ги повикуваме сите наши читатели да се придружат на оваа хуманитарна акција и да дадеме барем мал придонес за помош на луѓето во Србија и БИХ, кои како резултат на тешките временски непогоди останаа, голи, боси, гладни и без кров над главата ...

Ги охрабруваме сите наши фанови, наши читатели и сите оние кои можат да дадат било каков скромен придонес, да им се помогне на овие луѓе, финансиски или пак материјално со гардероба, храна или здрава вода за пиење, при што прироритет би требало да се даде на она што во вакви услови е најпотребно ...

Финансиска помош можете да дадете на следниот начин

• Преку уплата на жиро сметка Фонд на солидарност 300000001327966 ДБ 4030984271620 – Комерцијална банка

• Телефонско донирање на 100 денари со повик на телефоните: 075/070/077 143 400

Пунктови за донирање на стока (храна или гардероба) денес (недела) сигурно ќе бидат отворени на следните места

Општина Аеродром – 10 часот, на ширинката кај Мајчин дом, до малата црква

Плоштад Македонија – 12 часот

Куманово – 11 часот – 14 часот, плоштад

Населба Автокоманда – 11 часот, пред Римес (на коцката)

Велес – 15 часот, фондација „Фокус“ (зграда на НВО, наспроти градинката во Дворови)

Битола – 12 часот, плоштад Магнолија

Тетово – од 9 до 11.30 часот, пред центарот за култура „Иљо Антески – Смок“

Кисела Вода – во текот на целиот ден, ул. Стојан Стојановски, зад магацините на Славија

Еве список на работи кои најмногу недостасуваат и кои е потребно најмногу да се донираат

Да им помогнеме на оние на кои им е најпотребно, само мал придонес може да помогне децата или бебињата да добијат навремен оброк и чиста и топла облека. 

Живеј мудро, живеј здраво и хумано!