Пет причини зошто треба да чувате мачка

доктор на медицина

Мачките се за некого омилени домашни миленичиња, други пак едноставно не ги поднесуваат, трети ги сакаат, но преферираат кучиња ... Како и да е, да чувате мачка е добра и корисна навика. Зошто? Петте причини кои денес ќе ви ги презентираме можеби не се научно докажани, но се докажани од луѓето кои ги обожуваат мачките, а еве кои се тие ...

Мачките го чуваат менталното здравје

Мачките се омилено домашно милениче за забава кога навистина имате психички оптеретувања. Мачката знае да ве насмее, да ве разнежни со самиот поглед, а исто така може и да ве сослуша како најдобрата пријателка. Можете да и кажете се, таа и покрај тоа што сте згрешиле ќе ве погледне милно и ќе предизвика чувство на восхит и добро расположение кај вас.

Мачката наместо седатив

Кога се чувствувате вознемирени или ако патите од несоница, пробајте со вашата мачка. Ако ја прегрнете или легнете до неа таа ќе ја впие целата ваша негативна енергија и ќе ви даде волја за живот. Оние кои пробале рекле дека овој лек навистина делува ...

Мачката професионален дегустатор

Оние кои со години чуваат мачки велат дека ако сувомесниот продукт не е добар за јадење мачката само ќе го помириса. Па ова е добар начин да ја вклучите мачката во дегустација на вашиот сувомесен оброк. Ако мачката не сака да го изеде парчето шунка кое сте и го понудиле, немојте ниту вие.

Мачката ве штити од штетното влијание на компјутерот

Додека сте задлабочени во куцањето, мачката дојде до вас и скокне во вашиот скут, немојте да ја бркате, бидејќи познавачите велат дека мачките ги апсорбираат зрачењата и негативните влијанија од компјутерот.

Мачките го намалуваат ризикот од инфаркт

Дружењето со мачката и со другите домашни миленичиња докажано го намалуваат ризикот од инфаркт и други заболувања, па според тоа дружењето со мачката го намалува и ризикот од прерана смрт.

И за крај ... не заборавајте

Вие сте на нејзина територија, иако ве чувствува како газда, таа има инстинкт со кој смета дека треба да ве заштити. Затоа, одржувајте ја нејзината хигиена и одржувајте го нејзиното здравје на ветеринар, за да можете безгрижно да се дружите со неа.

Важно: Доколку патите од алергиска астма или ако имате било каква алергиска реакција на влакната од мачката, тогаш за жал не би смееле да бидете во контакт со ова животно.

 

дознајте повеќе за авторот - Кристина Денчовска

-авторски текст, не смее да се користи за комерцијални цели и/или реемитување-

www.doktori.mk, 09.04.2014

Последна вест

Најчитани статии - животен стил