Доктори.мк | Направете сами сируп од борови иглички за силен имунитет и здрави бели дробови | Napravete-sami-sirup-od-borovi-iglicki-za-silen-imunitet-i-zdravi-beli-drobovi- | Портал за медицина и здравје

Направете сами сируп од борови иглички за силен имунитет и здрави бели дробови

Сирупот од борови иглички е одличен за белите дробови, при проблеми со дишните патишта, воспаление на белите дробови или бронхит. Го подобрува имунитетот и штити од настинка и грип. Како да го подготвите? Прочитајте во текстот што следува ...

Што ни е потребно?

За да го подготвите овој сируп потребно е да наберете свежи светло зелени иглички од бор. Количината одредете ја вие самите во зависност од тоа колкава тегла сакате да подготвите. Освен игличките потребна е и една тегла свеж домашен мед.

Како да го подготвам?

Најпрво измијте ги добро игличките, а потоа ставете ги на чиста крпа да се исушат. На крпата најдобро е да отстојат околу 24 часа, а потоа да започнете со подготовка. Земете една стаклена тегла и започнете да редите еден ред иглички па тенок слој мед одозгора, па повторно ред иглички и мед одозгора и така повторувајќи се додека не дојдете 3-4 цм пред врвот на теглата. Последниот ред нека заврши со тенок слој на мед. Теглата сега добро затворете ја и оставете ја на топло место. Смесата е потребно да стои 40 дена во теглата, а притоа секојдневно истата добро треба да се протресува. По 40-тиот ден отворете ја теглата и процедете ја смесата. Добивме здрав сируп од борови иглички кој е потребно да се чува во ладилник бидејќи нема голем рок на траење. Сирупот можете да го користите така што ќе земате по неколку лажички дневно на одредено растојание. 

Важно! Овој рецепт е познат и со бел шеќер каде што наместо мед се додава бел шеќер, така има поголем рок на траење. Но, голема количина на бел шеќер не е здрав за организмот, затоа ние ве советуваме да користите мед, како што наведовме во рецептот погоре.

 

www.doktori.mk, 11.12.2014

Последна вест

Најчитани статии - исхрана