Доктори.мк | Миењето раце - најважна работа | mienjeto-race-najvazna-rabota | Портал за медицина и здравје

Миењето раце - најважна работа

извор: www.ringeraja.mk

 

Родителите треба да знаат дека многу хигиенски навики се развиваат уште додека децата се мали, па така со време ќе станат автоматски.

Кога на рацете на детето ќе се појави некаков осип, ако чувствува мачнина или има пролив родителите најпрво помислуваат дека се работи за алергија, труење од храна или вирусна инфекција. Но, секој педијатар ќе каже дека многу често причина за тоа е непочитување на основни хигиенски правила т.е нечисти раце.

Во сите игри надвор од куќата на детските рачиња може да дојдат опасни микроорганизми. Токму затоа, многу е важно детето да се научи да не ги става рацете во уста и задолжително да ги мие рацете штом ќе влезе дома.

Кои болести ги предизвикуваат нечистите раце?

Дизентерија, или со друго име “болест на нечисти раце”

Се појавува температура, гадење, пролив и општа слабост. Инкубацијата на дизентеријата трае и недела дена, па понекогаш е тешко да се утврди причината за болеста.

Најчесто родителите мислат дека детето јадело нешто расипано, па се обидуваат да го лекуваат дома, а тоа може детето да го доведе во опасна состојба бидејќи поради дизентерија организмот брзо може да дехидрира. Затоа е важно детето брзо да се однесе на доктор.

Превентива: Задолжително миење на рацете пред секое земање на храна, посебно по шетање или играње надвор од дома. Многу е важно да го научите детето да не јаде немиено овошје.

Јачмен во око

Со оглед на тоа дека децата многу често ги тријат очите со рацете, се случува да се појави воспаление во вид на јачмен. Доаѓа до црвенило, чешање, мал оток, а по неколку дена се појавува и гној.

Јачменот не е опасен, но при несоодветно лекување може да дојде до ширење на гнојна инфекција. Затоа секогаш барајте совет од доктор.

Превентива: Објаснете му на детето дека не треба да се допира за очите, а доколку го чеша да земе чисто пешкирче, па со него да го почеша окото.

Глисти

Цревни паразити кои предизвикуваат болка во стомакот и чешање околу чмарот. Се добиваат од животни, мачки и кучиња скитници, но и од домашни миленици.

Превентива: Задолжително миење на рацете по одење во тоалет, играње во песок, а надвор од дома да не се фаќаат животни.

 

 

 

www.doktori.mk, 02.08.2014

Последна вест

Најчитани статии - животен стил