Најчести причини за лош здив

Јазикот е најчесто место од каде потекнува лошиот здив. Причина за тоа е присуството на голем број бактерии, особено на задниот дел до јазикот. Овој дел од јазикот обично е сув и не подлежи на самочистење, а на него се задржуваат остатоци од храна, бактерии од нормалната флора и изумрени епителни клетки. Дополнително, големото конзумирање на кафе и пушењето цигари придонесува за лошиот здив.

Препорака:

Редовно чистење на јазикот

Тесните простори меѓу забите, просторот помеѓу забите и гингивата, неправилните стоматолошки изработки, заостанатата храна, гнојните воспаленија и неисчистените протетски помагала можат да бидат извори на лош здив. Причина за тоа се бактериите кои се насобираат на овие места, се размножуваат и лачат продукти кои ги разградуваат протеините. Уште една причина за лош здив може да биде ксеростомијата (сува уста).

Препорака:

Правилна и редовна орална хигиена и редовна посета на стоматолог

Гингивитисот и пародонтопатијата исто така можат да предизвикаат лош здив, како резултат на крајните продукти од анаеробните бактерии.

Препорака:

Отстранување на забниот камен и терапија на пародонтопатијата

Крајниците се редок извор на лош здив. Тоа се случува при разградување на протеинското ткиво или при присуство на калцифицирани камчиња во тонзиларните крипти (тонзилолитијаза), што дава екстремно лош здив.

Препорака:

Терапија на тонзилолитијазата