Античка контрацепција

Од дамнешни времиња луѓето се обидувале на најразлични начини да ја избегнат несаканата бременост. Нема да верувате што се не употребувале за да си овозможат сексуално задоволство, а притоа да не ги почувствуваат последиците од истото. Но, дали секогаш им успевало?

За почеток ќе го споменеме древниот Египет. Познат е по многу работи: пирамиди, мумии, сфинги, лавиринти, папирус, лекови, но и по делотворноста на нештата. За контрацептивно средство, верувале или не, го одбрале изметот од крокодил (да, изметот!), го мешале со мед и го користеле исто како што се користи денешната дијафрагма. Најчудно од се: ова делувало!

Да се вратиме векови наназад, во темното доба во Европа, познато уште како период во кој „вештерките“ им сметале на многу луѓе со своите „магии“. Девојките за да ја спречат несаканата бременост на своите нозе близу до препоните врзувале тестиси од ласица. Не знам дали магијата делувала, но сигурно штитела од бременост – дали некој би посакал да води љубов со девојка на која и висат тестиси како декорација!?

Ајде сега во 16 век, во Канада. И овде како и во Европа се користеле тестиси, но од дабар. Разликата со европската контрацепција е во тоа што ги чувале во алкохол да отстојат на месечева светлина. Откако убаво ќе си отстоеле, жените го пиеле растворот и чекале чудо. Чудото настанувало кога мажите ќе дознаеле што пијат нивните партнерки. Сексуалната желба ја губеле за миг!

Кинезите ја користеле топлата жива. Неа ја употребувале за "лечење" на многу болести па си рекле: зошто да не ја спречи и бременоста. Жените ја пиеле после сексуалниот чин. Покрај стерилност добивале и оштетувања на мозокот, бубрезите, црниот дроб итн...

Ајде сега за античка Грција - жените таму пиеле од водата во која ковачот ги ладел своите алати (не тие „алати“, на вистинските се мисли:-). Не успеале да постигнат ефект на стерилност, но успеале да добијат оштетени бубрези, невролошки пореметувања, кома па дури и смрт. Требало да се огледаат на Кинезите и да си се држат до топлата жива.

Дијафрагмата од злато и сребро се користела на ист начин како и денешната дијафрагма, но оваа била поопасна поради можноста да предизвика токсичен шок синдром, инфекции, непријатен мирис, а и бременост доколку не се постави правилно.

Сок од лимони - старите Египќани ја користеле и оваа метода. Натопувале сунѓер во сок од лимони и го ставале во вагината со што правеле и механичка бариера, а лимоновиот сок заради киселоста се смета дека имал спермицидно дејство.

Познатиот љубовник Казанова кората од лимонот ја користел како што денес се користи дијафрагмата, за да не сее деца по светот.

Кондомот не е ништо ново и факт е дека првобитно како кондоми се користеле цревата на животните, најчесто свињите. И за да биде ситуацијата уште понепријатна, пред самиот чин го потопувале во кисело млеко... и понатаму знаете...

Во Суматра биле воодушевени од дејството на опиумот па си рекле да го искористат и како дијафрагма. Кои се последиците од тоа и несаканите ефекти, не сакаме ни да помислиме.

И најневеројатно од се е, што не многу одамна, кока-колата ја користеле, а можеби и се уште некој ја користи, како контрацептивно средство поради ефектите на карбонизацијата и шеќерите за кои се смета дека ги убиваат сперматозоидите. Тоа во превод значи дека по сексот девојката се миела со кока-кола. (добро е што не се досетиле да додадат внатре и ментол бомбона :-)

Сосем за крај, не пробувајте дома НИШТО ОД ГОРЕНАВЕДЕНОТО. Тоа нека си остане во минатото, а за правилна контрацепција во сегашноста, информирајте се кај вашиот матичен гинеколог.

Парасомнија

Зелен чај

Тајната на бакнежот